Xalq deputatlari Yashnobod tumani Kengashining deputati Bahrom Xudoyarov tomonidan "Yangi davr" mahallasida saylovchilar bilan uchrashuv o‘tkazildi. Unda mahalla faollari, "mahalla yettiligi" hamda fuqarolar ishtirok etdi.

📝 Uchrashuv davomida deputat 2026-yilning II choragi mobaynida amalga oshirilgan deputatlik faoliyati yuzasidan axborot berib, Xalq deputatlari Yashnobod tumani Kengashi sessiyalari hamda doimiy komissiyalar faoliyatida faol ishtirok etgani, hududlarni ijtimoiy-iqtisodiy rivojlantirish, mahallalar infratuzilmasini yaxshilash, obodonlashtirish, aholi bandligini ta’minlash va fuqarolar murojaatlarini hal etishga qaratilgan masalalar yuzasidan o‘z takliflarini ilgari surgani haqida ma’lumot berdi.

📌 Axborotda qayd etilganidek, "Yangi davr" mahallasida sayyor qabullar va saylovchilar bilan ochiq muloqotlar muntazam tashkil etilib, fuqarolar tomonidan bildirilgan murojaat va takliflar o‘rganildi hamda ularni ijobiy hal etish yuzasidan tegishli tashkilotlar bilan hamkorlikda amaliy choralar ko‘rildi.

❗️ Shuningdek, mahallada ichki yo‘llarni ta’mirlash, tashqi yoritish tizimini yaxshilash, obodonlashtirish, bolalar maydonchalari va jamoat infratuzilmasini rivojlantirish, ijtimoiy himoyaga muhtoj oilalarni qo‘llab-quvvatlash, xotin-qizlar va yoshlar bilan manzilli ishlash yo‘nalishlarida olib borilgan ishlar haqida axborot berildi.

📉 Deputat tomonidan fuqarolar murojaatlari yuzasidan tegishli davlat va boshqaruvi organlariga deputatlik so‘rovlari kiritilib, ularning ijrosi deputatlik nazoratiga olingani ta’kidlandi. Ochiq muloqot davomida ichki yo‘llarni ta’mirlash, tashqi yoritish, obodonlashtirish, bolalar maydonchasini jihozlash hamda kommunal xizmatlar sifatini yaxshilashga oid yangi taklif va murojaatlar ham "Ko‘chama-ko‘cha deputat daftari"ga qayd etildi.

✅ Uchrashuv yakunida deputat Bahrom Xudoyarov saylovchilar bilan ochiq va muntazam muloqotni davom ettirish, ko‘tarilgan masalalarni amaliy hal etish hamda ularning ijrosini doimiy deputatlik nazoratida olib borish deputatlik faoliyatining ustuvor yo‘nalishi bo‘lib qolishini alohida ta’kidladi.