#24_ta_masala
#Kosonsoy_tuman_Kengashi
#Deputat_nazorati
#Qaror_ijrosi

🏢 Zamondosh mahallasida yangi mahalla binosi qurilishi ishlari o‘rganildi.

🏦Xalq deputatlari Kosonsoy tuman Kengashining VII-13-120-6-80-K25-sonli qarori bilan Zamondosh mahallasida aholiga zamonaviy va qulay sharoit yaratish maqsadida yangi mahalla binosini qurish uchun 250 million so‘m mablag‘ ajratilgan.

Mazkur qaror ijrosi hamda qurilish ishlarining borishi Xalq deputatlari Kosonsoy tuman Kengashi 7-Shirinbuloq saylov okrugi deputati A. Dadajonov va 9-Zamondosh saylov okrugi deputati N. Ismoilova tomonidan joyiga chiqqan holda o‘rganildi.

🔎 O‘rganish davomida yangi mahalla binosi qurilishi yakunlangani, ayni paytda binoda ichki va tashqi pardozlash ishlari olib borilayotgani ko‘zdan kechirildi. Binoning zamonaviy talablar asosida jihozlanishi va aholiga xizmat ko‘rsatish uchun qulay sharoitlar yaratilishiga alohida e’tibor qaratilmoqda.

🏗 Shuningdek, qurilish-ta’mirlash ishlarining sifati, belgilangan vazifalarning o‘z vaqtida bajarilishi hamda ajratilgan mablag‘larning maqsadli sarflanishi yuzasidan fikr va tavsiyalar bildirildi.

🇺🇿 Yangi mahalla binosini O‘zbekiston Respublikasi davlat mustaqilligining 35 yilligi munosabati bilan foydalanishga topshirish rejalashtirilgan.

✅ Deputatlik nazorati doirasida mazkur qaror ijrosi, qurilish ishlarining sifati va ob’ektni belgilangan muddatda foydalanishga topshirish jarayonini nazorat qilish ishlari davom ettiriladi.

👉 Bizni ijtimoiy tarmoqlarda kuzatib boring!

Rasmiy sayt|📱 Telegram|📱 Facebook| 📱 Instagram| 📱 Youtube