#_deputat_faoliyati
#_24_ta_masala
#_162_ta_qonun
Deputat nazoratida: mahalla faoliyati, qonun ijrosi va ijtimoiy islohotlar tahlil qilindi

Xalq deputatlari Sariosiyo tumani Kengashining “23-Aeroport” saylov okrugidan saylangan deputati N.Chorshanbiyeva hamda tuman Kengashi kotibiyati bosh mutaxassisi N.Xamdamova tomonidan “Alisher Navoiy” mahallasida o‘rganish ishlari olib borildi.
O‘rganish davomida mahalla fuqarolar yig‘ini faoliyati atroflicha tahlil qilinib, Xalq deputatlari Sariosiyo tumani Kengashining 2026-yilga mo‘ljallangan ish rejasining 36–41-bandlari ijrosi yuzasidan amalga oshirilayotgan ishlar o‘rganildi.

Shu bilan birga, O‘zbekiston Respublikasining 2019 yil 2 sentabrda qabul qilingan “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘RQ–562-son Qonuni ijrosi ham tahlil qilinib, mahallada gender tengligini ta’minlash, xotin-qizlarni qo‘llab-quvvatlash va ularning jamiyatdagi faolligini oshirish borasida amalga oshirilayotgan ishlar muhokama qilindi.

Bunday o‘rganishlar mahallalarda qonunlar ijrosini ta’minlash, aholi farovonligini oshirish, mavjud muammolarni o‘z vaqtida aniqlash va ularni bartaraf etish yuzasidan samarali deputatlik nazoratini amalga oshirishda muhim ahamiyat kasb etadi.