Xalq deputatlari Qo‘qon shahar Kengashi deputati Sh.Rasulova tomonidan o‘z saylov okrugi hududidagi "G‘oziyog‘lik" mahalla fuqarolar yig‘inida navbatdagi saylovchilar bilan uchrashuv hamda o‘rganish ishlari olib borildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyati mutaxassisi X.Abdullayev tomonidan amaliy ko‘mak ko‘rsatildi.

O‘rganish davomida mahalla fuqarolar yig‘ini raisining faoliyati, fuqarolar murojaatlari bilan ishlash tizimi, hududdagi ijtimoiy muammolarni hal etish, obodonlashtirish ishlari hamda mahallaning ijtimoiy-iqtisodiy rivojlanishi yo‘nalishida amalga oshirilayotgan chora-tadbirlar atroflicha tahlil qilindi.

Shuningdek, "mahalla yettiligi" hamkorligida olib borilayotgan ishlar, ehtiyojmand oilalarni qo‘llab-quvvatlash, aholi bandligini ta’minlash, yoshlar va xotin-qizlar bilan ishlash hamda hudud infratuzilmasini yanada yaxshilash masalalari yuzasidan mas’ullar bilan fikr almashildi.

Uchrashuv davomida saylovchilar tomonidan bildirilgan murojaat va takliflar tinglanib, ularning yechimi yuzasidan tegishli mas’ullarga tavsiyalar berildi hamda ayrim masalalarni deputatlik nazoratiga olishga kelishib olindi.

Xalq deputatlari Qo‘qon shahar Kengashi