Xalq deputatlari Termiz shahar Kengashi kotibiyati mudiri A.Ashurov, 19-“Ma’rifat” saylov okrugi deputati A.Mustafakulov hamda Kengash kotibiyati bosh mutaxassisi A.Temirovlar shahardagi “Ma’rifat” mahallasida bo‘lib, navbatdagi nazorat-tahlil tadbirlarini o‘tkazdilar.

⏺Mazkur o‘rganish jarayonlari O‘zbekiston Respublikasi Oliy Majlisi Senati tomonidan belgilangan “Mahalliy Kengash deputati faoliyatining eng muhim 24 ta yo‘nalishi” mezonlari doirasida tashkil etildi.

💬O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni talablaridan kelib chiqib, quyidagilar ko‘rib chiqildi:

🟢Yoshlar bandligi: Mahalladagi ishsiz yoshlarning ro‘yxatlarini shakllantirish, ularni bo‘sh ish o‘rinlariga joylashtirish hamda tadbirkorlik tashabbuslarini qo‘llab-quvvatlash;

🟢Bo‘sh vaqtni mazmunli tashkil etish: Yoshlar o‘rtasida sport musobaqalari, intellektual o‘yinlar va to‘garaklar tashkil etish sifati;

🟢Muammolarga yechim: "Yoshlar daftari" orqali yoshlarning murojaatlarini o‘rganish va ularga manzilli yordam ko‘rsatish holati.

💬O‘zbekiston Respublikasining 2016-yil 26-dekabrdagi O‘RQ-415-sonli “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni talablari asosida ijtimoiy xodimning ish faoliyati o‘rganildi:

🟢Manzilli yordam: Mahalladagi ehtiyojmand va ijtimoiy himoyaga muhtoj oilalar, yolg‘iz keksalar hamda nogironligi bor shaxslarga ko‘rsatilayotgan ijtimoiy yordamlarning sifati va uning manzilliligi;

🟢Sinchkov tahlil: Ijtimoiy xizmatlar ko‘rsatish reyestri, xonadonbay o‘rganish jurnallari va muhtoj fuqarolarga tibbiy-ijtimoiy ko‘mak berish bo‘yicha amalga oshirilayotgan amaliy choralar holati tekshirildi.

💬"Yoshlar yetakchisi va ijtimoiy xodim — mahalla tizimidagi eng mas’uliyatli bo‘g‘inlardir. Ularning kundalik faoliyati qog‘ozbozlik va quruq hisobotlar uchun emas, balki birgina bo‘lsa ham yoshning bandligini ta’minlash, birgina ehtiyojmand oilaga davlat g‘amxo‘rligini yetkazishga xizmat qilishi shart. Bu borada qonun talablarining og‘ishmay bajarilishini deputat sifatida doimiy nazorat qilib boramiz," — deya ta'kidladi deputat A.Mustafakulov.

🫥O‘rganishlar yakunida mahalladagi yoshlar va ijtimoiy himoyaga muhtoj qatlam vakillari bilan ishlash samaradorligini yanada oshirish, "mahalla yettiligi" faollari hamkorligini kuchaytirish hamda aniqlangan ayrim kamchiliklarni bartaraf etish yuzasidan mas’ullarga tegishli tavsiya va ko‘rsatmalar berildi.