Yigʻilishda Oʻzbekiston Respublikasi Prezidentining Vobkent tumanidagi Xalq qabulxonasi tomonidan tumanda aholi murojaatlari va ularning muammolarini hal etish borasida 2026-yilning I choragi davomida amalga oshirilgan ishlar, erishilgan natijalar hamda yoʻl qoʻyilgan kamchiliklar muhokama qilindi.

📌 Taʼkidlanganidek, Oʻzbekiston Respublikasi Prezidentining Virtual va Xalq qabulxonalari orqali 2026-yil I chorak yakunida Vobkent tumani aholisidan jami 382 ta murojaat kelib tushgan boʻlib, bu koʻrsatkich 2025-yilning mos davriga nisbatan 119 taga yoki 23,7 foizga kamaygan.

👥 Hisobot davrida murojaatlarning 149 tasi ijobiy hal etilgan boʻlib, ijobiy hal qilish darajasi 39 foizni tashkil etgan. Bu koʻrsatkich oʻtgan yilning shu davriga nisbatan 8,9 foizga oshgani qayd etildi. Ayni paytda 54 ta murojaat boʻyicha oʻrganish ishlari davom etmoqda.

📈 Takroriy murojaatlar tahliliga koʻra, 2026-yil I choragida 47 ta takroriy murojaat qayd etilgan boʻlib, bu umumiy murojaatlarning 12,3 foizini tashkil etgan. Oʻtgan yilning mos davrida ushbu koʻrsatkich 13 foizni tashkil qilgan.

✍️ Yigʻilishda ayrim mahallalarda murojaatlar soni yuqoriligiga alohida eʼtibor qaratildi. Jumladan:
➡️ “Vobkent” MFY — 20 ta
➡️ “Xoʻjarabod” MFY — 14 ta
➡️ “Kumushkent” MFY — 13 ta
➡️ “Doʻstlik” va “Hajuvon” MFYlari — 12 tadan murojaat

Bu holat ushbu hududlardagi ijtimoiy va kommunal muammolarni chuqur tahlil qilish, aholi bilan manzilli ishlash hamda masʼul tashkilotlar tomonidan profilaktik choralarni kuchaytirish zarurligini koʻrsatishi taʼkidlandi.

🛒 Shuningdek, aholi murojaatlari tahlili asosida davlat organlari va tashkilotlariga mavjud kamchiliklarni bartaraf etish hamda muammolarni samarali hal qilish yuzasidan 6 ta koʻrsatma, 1 ta taklif va 1 ta taqdimnoma kiritilgani, shu bilan birga xalq deputatlari tuman Kengashiga 1 ta axborot taqdim etilgani maʼlum qilindi.

✔️ Yigʻilish yakunida doimiy komissiyaning tegishli qarori qabul qilindi.