Sessiyada tumanni ijtimoiy-iqtisodiy rivojlantirish, ijro intizomini mustahkamlash, mahalliy byudjet mablag‘laridan samarali foydalanish hamda yoshlar va sport sohasidagi ustuvor vazifalarga oid muhim masalalar atroflicha muhokama qilindi.

“IJRO.GOV.UZ” tizimi orqali topshiriqlar ijrosi holati tanqidiy-tahliliy ko‘rib chiqildi;
“Mahallani rivojlantirish va jamiyatni yuksaltirish yili” Davlat dasturi doirasidagi ustuvor loyihalar yuzasidan hisobotlar eshitildi;
Qurilish, yo‘l-transport va muhandislik-kommunikatsiya infratuzilmasini rivojlantirish bo‘yicha amalga oshirilayotgan ishlar muhokama qilindi;
2026-yil 1-chorak yakuni bo‘yicha shakllangan qo‘shimcha byudjet mablag‘larini yo‘naltirish masalasi ko‘rib chiqildi;
Sportni rivojlantirish, iqtidorli yoshlarni qo‘llab-quvvatlash hamda “Yoshlar maslahat guruhi” tarkibini yangilash yuzasidan tegishli qarorlar qabul qilindi;
Veterinariya va chorvachilikni rivojlantirish yo‘nalishida amalga oshirilgan ishlar tahlil qilindi.

Sessiya davomida deputatlar tomonidan aholini qiynayotgan masalalar, hududlarni kompleks rivojlantirish va ijtimoiy barqarorlikni ta’minlash bo‘yicha taklif hamda tashabbuslar ilgari surildi.

Kun tartibidagi barcha masalalar yuzasidan tegishli qarorlar qabul qilindi.

Bo‘ston tumanida aholi farovonligi, ochiqlik va samarali boshqaruv yo‘lida ishlar izchil davom etmoqda.