ХОТИРА ВА ҚАДРИЯТЛАР ЭЪЗОЗЛАШ
Халқ депутатлари Наманган вилояти Кенгаши депутати Хатамова Дурдона Мадаминовна ўз сайлов округида жойлашган 9-сонли мактабда бўлди.
Ташриф давомида депутат мактабда ташкил этилган музей фаолияти билан танишди. Музейда қишлоқ ҳаётида муҳим ўрин тутган, ўз меҳнати ва фидойилиги билан эл-юрт ҳурматига сазовор бўлган инсонлар ҳаёти ва фаолияти акс эттирилган.
Депутат ўқувчилар билан суҳбатда бундай музейлар ёш авлодни ватанпарварлик, меҳнатсеварлик ва аждодлар меросига ҳурмат руҳида тарбиялашда муҳим аҳамият касб этишини таъкидлади.
✅ Бундай маънавий-маърифий тадбирлар ёшларни ўз юрти, тарихи ва фидойи инсонлари билан фахрланишга ундайди.