Oʻzbekiston Respublikasi Prezidentining PQ-393-son qaror — “2026–2028-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi qaroriga muvofiq, 2026-yilda Pastdargʻom tumani, Esaboy MFY hududidagi 43-son umumta’lim maktabida rekonstruksiya ishlari amalga oshirilishi belgilangan.

 Loyiha doirasida maktab hududida qo‘shimcha 240 o‘rinli yangi o‘quv bino qurilishi rejalashtirilgan.

Mazkur loyiha hududdagi o‘quvchilar uchun yanada qulay va zamonaviy ta’lim sharoitlarini yaratishga xizmat qiladi.

Ayni paytda qurilish ishlari hali boshlanmagan.

Ushbu masala xalq deputatlari Pastdarg‘om tuman Kengashi deputati M.Altibayeva tomonidan nazoratga olingan bo‘lib, tegishli tashkilotlar bilan hamkorlikda loyiha ijrosini jadallashtirish, belgilangan muddatlarda ishlarni boshlash va sifatli amalga oshirish yuzasidan qat’iy nazorat olib borilmoqda.

 Jarayon bo‘yicha qo‘shimcha ma’lumotlar taqdim etib boriladi.