Xalq deputatlari Termiz shahar Kengashi deputati Gulnoz Xudaykulova 21-“Jo‘yjangal” saylov okrugida keng qamrovli o‘rganish ishlarini olib bordi. Bu safargi nazorat tadbiri nafaqat muammolarni o‘rganish, balki “Tashabbusli byudjet” loyihasi doirasidagi muhim yutuqlarni ham baholashga qaratildi.

✅ Deputat "Jo‘yjangal" MFYda "Mahalla yettiligi"ning ish faoliyati va aholi muammolarini hal etishdagi roli tahlil qilinib, deputatlik faoliyatining "24 ta eng muhim yo‘nalishi" asosida kelgusidagi vazifalar belgilab olindi. E’tiborlisi, mahalla hududida aholi dam olishi va tadbirkorlik faoliyatini rivojlantirishga xizmat qiluvchi yangi, zamonaviy xizmat ko‘rsatish majmuasining qurilish va ishga tushish jarayonlari bilan yaqindan tanishildi. Bu esa hududning iqtisodiy salohiyatini oshirishga xizmat qiladi.

✅ Mahalla hududidagi 5-sonli umumta’lim maktabida o‘quv sharoitlari, qish mavsumiga tayyorgarlik va isitish tizimi holati ko‘zdan kechirildi. Ayniqsa, 2025-yilning ikkinchi mavsumida “Tashabbusli byudjet” jarayonida g‘olib bo‘lgan maktabga xarid qilingan zamonaviy kompyuter jamlanmalarining o‘rnatilishi va foydalanilishi o‘rganildi. Bu aholining faol tashabbusi va davlat ko‘magining ta’lim sifatiga qo‘shayotgan real hissasidir!

✅ Maktab hududida barpo etilgan zamonaviy sport maydonchasining texnik holati o‘rganildi. Ushbu maydoncha nafaqat maktab o‘quvchilari, balki mahalla yoshlarining bo‘sh vaqtlarini mazmunli o‘tkazishi uchun doimiy xizmat qilishi bo‘yicha tavsiyalar berildi.

📌 Deputat tomonidan aniqlangan kamchiliklarni bartaraf etish va hudud rivojini ta’minlash yuzasidan mutasaddilarga aniq ko‘rsatmalar berildi.