Халқ депутатлари Янгиқўрғон туман Кенгаши депутати Якубжонов Жахонгир Зокиржонович томонидан туман тиббиёт бирлашмаси раҳбари Ахмедова Лайло Рўзибоевна билан ҳамкорликда фуқаролар қабули ташкил этилди

. Қабул давомида туман аҳолиси томонидан соғлиқни сақлаш соҳасига оид мурожаатлар, таклиф ва муаммолар тингланиб, ҳар бир масала юзасидан атрофлича ўрганиш ишлари амалга оширилди.

Фуқаролар томонидан кўтарилган муаммоларни ҳал этиш бўйича тегишли ташкилот ва масъул шахсларга аниқ вазифалар белгилаб берилди, айрим мурожаатлар бўйича жойида ҳал этиш чоралари кўрилди. Қабул жараёнида аҳолига ҳуқуқий ва амалий тушунтиришлар берилди, мурожаатлар назоратга олинди.

Бундай қабуллар аҳоли билан бевосита мулоқотни кучайтириш, ижтимоий муаммоларни ўз вақтида аниқлаш ва ҳал этиш, шунингдек, соғлиқни сақлаш тизимидаги хизматлар сифатини янада яхшилашга хизмат қилиши таъкидлаб ўтилди.