Jalaquduq tumanida aholining huquqiy ongi va siyosiy madaniyatini yuksaltirish, fuqarolarni turli xil firibgarlik holatlaridan ogoh etishga qaratilgan “Ogoh bo`ling, firibgar!” aksiyasi izchil davom etmoqda. Mazkur tadbirda Xalq deputatlari Jalaquduq tuman Kengashi deputati B.Bazarova faol ishtirok etdi. Navbatdagi targ`ibot uchrashuvi tibbiyot sohasi xodimlari uchun tashkil qilinib, unda Qo`shtepa
oilaviy shifokorlik punkti hamshiralari ishtirok etdilar. Tadbir davomida mamlakatimizda aholini ijtimoiy himoya qilish, fuqarolarning huquq va manfaatlarini ta`minlash borasida amalga oshirilayotgan islohotlar mazmun-mohiyati atroflicha tushuntirildi. Shuningdek, kiberfiribgarlik, telefon orqali aldash va internet tarmoqlaridagi noqonuniy harakatlardan saqlanish bo`yicha aniq tavsiyalar berildi. 

Tadbirda Dilabza Nazarova hamda Azimova Dilnoza o`z fikr-mulohazalari bilan ishtirok etib, tibbiyot xodimlari orasida huquqiy savodxonlikni oshirish, jamiyatda ogohlik va hushyorlik muhitini mustahkamlash har bir fuqaroning burchi ekanini ta`kidladilar. Tadbir
yakunida firibgarlikka qarshi kurashishda jamoatchilik nazoratini kuchaytirish, aholi bilan tizimli tushuntirish ishlarini davom ettirish hamda soha vakillarining faol fuqarolik pozitsiyasini qo`llab-quvvatlash muhimligi qayd etildi.