Firibgarlikka qarshi ogohlik — davr talabi

Bugungi kunda firibgarlik jamiyatimiz uchun jiddiy tahdidlardan biriga aylanmoqda. Fuqarolarning huquqiy ongini oshirish va ularni turli aldov usullaridan himoya qilish maqsadida O‘zbekiston “Adolat” sotsial-demokratik partiyasi tomonidan “Ogoh bo‘ling, firibgar!” aksiyasi doirasida targ‘ibot tadbirlari izchil davom ettirilmoqda.

📌 Shu munosabat bilan partiya Namangan shahar Kengashi tomonidan Respublika ona va bola salomatligi ilmiy-amaliy markazi viloyat hududiy bo‘limida davra suhbati tashkil etildi.

✔️ Tadbirda partiya shahar Kengashi raisi Mirzarahmat Olimov hamda Xalq deputatlari shahar Kengashi deputati Zafarjon Sapayev ishtirok etib, firibgarlikning turli ko‘rinishlari, uning sodir etish usullari va oldini olish choralari xususida atroflicha ma’lumot berdilar.

❕ Uchrashuv davomida hayotiy misollar asosida fuqarolar ogohlikka chaqirildi hamda huquqiy savodxonlikni oshirishning ahamiyati alohida ta’kidlandi.