Xalq deputatlari Olmazor tumani Kengashi

17-Miskin saylov okrugidan saylangan deputat Parizod Ziyo 2025-yilning to‘rtinchi choragi davomida o‘z faoliyati yuzasidan saylovchilar oldida axborot berdi. O‘tkazilgan uchrashuvda “Taraqqiyot” va “Miskin” MFY mahalla yettilik vakillari, XDP Olmazor tumani Kengashi partiya raisi X.Xamidov hamda deputat qabuliga kelgan fuqarolar ishtirok etdi.

Tadbir davomida deputat O‘zbekiston Respublikasi Prezidenti Shavkat Mirziyoyevning Oliy Majlis va xalq oldidagi Murojaatnomasi hamda yangilangan “O‘zbekiston 2030 – Harakatlar Strategiyasi” mazmun-mohiyati bo‘yicha ma’ruza qildi va to‘rtinchi chorak davomida amalga oshirilgan ishlar, aholi murojaatlari asosida ko‘rilgan choralar hamda hal etilgan muammolar haqida batafsil axborot berdi.

Axborotda deputat ichki yo‘llarni ta’mirlash, kommunal xizmatlar, jumladan issiq suv, ichimlik suvi va oqova tarmoqlaridagi muammolar bo‘yicha amalga oshirilgan chora-tadbirlarni yoritib o‘tdi. Shu davr mobaynida 1 ta sayyor qabul tashkil etilib, 13 nafar fuqaroning 8 ta murojaati va takliflari ko‘rib chiqildi, 5 ta sessiyada ishtirok etildi, 1 ta tashabbus ilgari surildi, 1 marotaba eshituvlar o‘tkazildi va 3 ta jamoat tadbirlarida qatnashildi. Shuningdek, deputat 4 marotaba fuqarolar qabulini tashkil qilib, 2 deputatlik so‘rovi yubordi. 

Deputat Parizod Ziyo Olmazor tumani Kengashining to‘rtinchi chorakda o‘tkazilgan sessiyalari va doimiy komissiyalar yig‘ilishlarida faol qatnashib, tumanni ijtimoiy-iqtisodiy rivojlantirish, mahalla infratuzilmasini yaxshilash, Korrupsiyaga qarshi kurashish masalalarini muhokama qildi va qabul qilingan qarorlar ijrosi ustidan deputatlik nazoratini muntazam amalga oshirdi. 

 Uchrashuv yakunida fuqarolar tomonidan bildirgan masalalar amaliy yechim topishi uchun mas’ul tashkilotlar bilan hamkorlikda deputatlik so‘rovlari yuborilishi va sayyor qabul-muloqotlar rejaga muvofiq davom ettirilishi ta’kidlandi.