Nuroniylarimiz xonadonlarimiz fayzi, ularning duosi bilan yurtimiz obod, hayotimiz tinch, dasturxonlarimiz to‘kin. Prezidentimiz ta’kidlaganidek, “Haqiqatdan ham qaysi xonadonda nuroniy otaxon yoki onaxon bo‘lsa, bu oilada, albatta, fayz-u baraka, farovonlik, ahillik bo‘lishini barchamiz bilamiz”.

Yurtimizda azaldan keksalarga mehr ko‘rsatib kelingan. Xususan, Olmazor tumanidagi Qariyalar uyida istiqomat qiluvchi Nuroniylar bilan uchrashuv tashkil etildi. 

Xalq deputatlari Olmazor tuman Kengashi deputati Turdiqul Bobomurotov tashabbusi bilan Olmazor tumanidagi Qariyalar uyida yashovchi qariyalar bilan uchrashuv tashkil etildi. Ushbu uchrashuvning maqsadi – ularning holati, hayot sharoitlari va ijtimoiy ehtiyojlarini o‘rganish hamda ularning turmush darajasini yaxshilash yo‘llarini ko‘rib chiqishdan iborat.

Deputat boshchiligida Toshkent davlat tibbiyot universiteti professor-o'qituvchilari, hodimlari, volontyor yoshlardan iborat jamoa bilan birgalikda keksa nuroniylar holidan habar olib, qariyalar bilan samimiy suhbatlashdilar. Uchrashuvda, shuningdek, ular uchun yaratilib berilgan shart-sharoitlar va qo‘llab-quvvatlash dasturlari haqida ma'lumotlar berildi.

Mazkur tadbirda turli hildagi sahna ko'rinishlari va kuy-qo'shiqlar ijro etildi, nuroniylar uchun esdalik sovg'alari topshirilib, ko'ngli ko'tarildi.