Sayyor qabullarda tuman bo‘lim va tashkilotlari rahbarlari, mutasaddi mas’ullar hamda mahalla aholisi ishtirok etdi. Ochiq muloqot shaklida o‘tgan uchrashuvlarda fuqarolarning ijtimoiy, infratuzilmaviy va bandlik bilan bog‘liq muammolari tinglandi.

🔹 Jayxun MFYda ichki yo‘llarni ta’mirlash, yo‘l belgilarini o‘rnatish, elektr ta’minotini yaxshilash, sport maydonchasi qurish, oliy ta’lim shartnoma to‘lovlariga ko‘maklashish hamda chorvachilikni rivojlantirish bo‘yicha murojaatlar bildirildi.

🔹 Boyovul MFYdagi sayyor qabulda tuman IIB boshlig‘i Timur Doshumbayev ham ishtirok etdi. Unda jinoyatchilik va huquqbuzarliklarning oldini olish masalalariga alohida e’tibor qaratildi. Shuningdek, davolanish uchun moddiy yordam, ishga joylashish, kredit ajratish, uy-joy ta’miri va harbiy xizmat bilan bog‘liq murojaatlar ko‘rib chiqildi.

📌 Tuman hokimi tomonidan ayrim masalalar joyida hal etilib, qolgan murojaatlar bo‘yicha mas’ullarga aniq topshiriqlar berildi va ijrosi nazoratga olindi.

Sayyor qabullar aholi bilan yuzma-yuz muloqotni kuchaytirish, muammolarga amaliy yechim topish hamda fuqarolar ishonchini mustahkamlashda muhim ahamiyat kasb etmoqda.