Tuman Kengashi deputati Turgunova Mohidilxon Delvarzin OSHPga tashrif buyurib, hududda yashovchi aholi o`rtasida 2026-yilda belgilangan tibbiy ko`rikdan o`z vaqtida o`tib olish masalalari yuzasidan targ`ibot va tushuntirish ishlarini olib bordi. Uchrashuv davomida aholiga sog`liqni saqlashning
ahamiyati, kasalliklarni barvaqt aniqlash va oldini olishda profilaktik tibbiy ko`riklarning o`rni haqida batafsil ma`lumotlar berildi. Shuningdek, fuqarolarning tibbiy ko`rikdan to`liq va o`z vaqtida o`tishi nazoratga olinib, ushbu jarayonda yuzaga kelayotgan muammo va takliflar o`rganildi. Tuman Kengashi deputati tibbiy muassasa xodimlari bilan ham suhbatlashib, aholiga sifatli tibbiy xizmat ko`rsatish, tekshiruvlarni tizimli tashkil etish va har bir fuqaroning qamrab olinishini ta`minlash bo`yicha tegishli ko`rsatmalar berdi. Bu kabi tadbirlar aholi salomatligini mustahkamlash va sog`lom turmush tarzini shakllantirishga xizmat qilishi ta`kidlandi.