1-Madaniyat saylov okrugidan saylangan deputat Q.Rajabov tomonidan mahallada saylovchilar bilan ochiq muloqot tarzida uchrashuv tashkil etildi. Uchrashuvdan ko‘zlangan asosiy maqsad — aholi bilan bevosita muloqot o‘rnatish, fuqarolarni qiynab kelayotgan muammolarni joyida o‘rganish hamda ularning taklif va tashabbuslarini eshitishdan iborat bo‘ldi.

Uchrashuv davomida mahalla hududidagi infratuzilma holati, yo‘l va ichimlik suvi ta’minoti, elektr energiyasi, obodonlashtirish ishlari, bandlik masalalari, yoshlar va xotin-qizlar bilan bog‘liq muammolar hamda ijtimoiy sohadagi boshqa dolzarb masalalar muhokama qilindi. Saylovchilar tomonidan bildirilgan murojaat va takliflar deputat tomonidan alohida qayd etildi.

Uchrashuv davomida aholining huquqiy savodxonligini oshirish, mahallada ijtimoiy faollikni kuchaytirish va jamoatchilik nazoratini yo‘lga qo‘yish masalalariga ham alohida e’tibor qaratildi.

Tuman Kengashi deputati Q. Rajabov