Ташриф давомида муассасанинг иситиш тизими, болалар хоналаридаги ҳарорат меъёри, озиқ-овқат захиралари, тиббиёт хоналари фаолияти ҳамда ходимларнинг иш шароити батафсил кўздан кечирилди.Шунингдек, таълим сифати ва болалар хавфсизлигини таъминлашга қаратилган чора тадбирлар, электртехника воситалари ҳолати, ёнғин хавфсизлиги талабларига риоя этилиши каби масалалар ҳам ўрганилиб, масъул ходимлар билан суҳбатлар ўтказилди.Текширув якунида аниқланган камчиликларни бартараф этиш бўйича тегишли тавсиялар берилди. “Адолат” СДП Урганч шаҳар Кенгаши томонидан бундай мониторинглар мунтазам равишда давом эттирилиши, болалар учун қулай ва хавфсиз шароит яратилиши энг устувор вазифалардан бири эканлиги алоҳида таъкидланди.