🔹Xalq deputatlari Uchko‘prik tumani Kengashining 19-“Imomboqi” saylov okrugi deputati Isroiljon Isaqov tumanning nuroniy-maslahatchilari Abdurahim Norqo‘ziev va Bahodirjon Hamroqulov hamroxligida “Oqsuv” mahalla fuqarolar yig‘ini hududidagi 45-umumiy o‘rta ta’lim maktabida yaratilgan sharoitlar, kuz – qishga tayyorgarlik, issiqlik tizimi, o‘quvchilar davomati, dars jarayonlari, “Yashil makon” loyihasi, “Oila-maktab-mahalla hamkorligi” hamda texnika xavfsizligi masalalari yuzasidan o‘rganishlar o‘tkazdi. O‘quvchilar davomatini yanada yaxshilash uchun ota-onalar va mahalla faollari hamkorligidagi amaliy ishlarga e’tibor
qaratildi, o‘qituvchi-pedagoglarning dars jarayonlariga tayyogarligi yuzasidan tavsiyalar berildi. 

🔹Havoning borgan sari sovib borishi ijtimoiy soha ob’ektlarida, ayniqsa, maktab va maktabgacha ta’lim tashkilotlarida isitish tizimidagi muammolarni yuzaga chiqaradi. Kuz-qish mavsumi masalasida esa, maktabda yoqilg‘i-ko‘mir mahsuloti zaxirasi yaratilgan, qozonxonalar va issiqlik tizimi talab darajasida ishlamoqda. 

🔹O‘tgan 2024-2025-o‘quv yilida maktabni tamomlagan 45 nafar o‘quvchidan 10 nafari davlat oliy o‘quv yurtlariga, 7 nafari xususiy oliy ta’lim muassasalariga qabul qilingani, 3 nafari texnikumga, 25 nafarining bandligi ta’minlangani alohida e’tirof etildi. 

🔹Deputat va maktab pedagoglar jamoasi hamkorligi natijasida o‘quv muassasasi atrofining qirq metr masofadagi ochiq holda qolgan hududi deputat homiyligida devor qilib berildi. 

  Xalq deputatlari Uchko‘prik tumani Kengashi kotibiyati