🟢 Mehnat kodeksi talablari joylarda o‘rganilmoqda

Xalq deputatlari Sherobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi Saidova Nigora Rajabboevna tomonidan O‘zbekiston Respublikasining Mehnat kodeksi talablari ijrosi yuzasidan joylarda o‘rganish olib borildi.
O‘rganish O‘zbekiston Respublikasining 2022-yil 28-oktabrdagi O‘RQ–798-son Qonuni bilan tasdiqlangan va 2023-yil 30-apreldan kuchga kirgan Mehnat kodeksi talablari asosida maxsus tuzilgan savolnoma asosida tashkil etildi.

O‘rganish davomida korxona va tashkilotlarda:
🔹 mehnat shartnomalarini tuzish, o‘zgartirish va bekor qilish tartibiga rioya etilishi;
🔹 norasmiy bandlikni qisqartirish va mehnat munosabatlarini rasmiylashtirish;
🔹 xodimlarga ish haqining o‘z vaqtida va to‘liq to‘lanishi;
🔹 mehnat ta’tili, ijtimoiy ta’tillar hamda qonunchilikda belgilangan kafolat va kompensatsiyalar;
🔹 xotin-qizlar, voyaga yetmaganlar va nogironligi bo‘lgan shaxslarning mehnat huquqlarini ta’minlash;
🔹 xavfsiz mehnat sharoitlarini yaratish va mehnatni muhofaza qilish talablari;
🔹 mehnat huquqlarining buzilishi yuzasidan fuqarolar murojaatlari hamda ularning yechimi;
🔹 ish beruvchi va xodimlar o‘rtasidagi mehnat nizolarining oldini olish va hal etish kabi masalalarga alohida e’tibor qaratildi.
Shuningdek, Mehnat kodeksining yangi tahriri talablarini ish beruvchilar va xodimlar o‘rtasida targ‘ib qilish, huquqiy tushuntirish ishlarini kuchaytirish hamda aniqlangan muammolarni bartaraf etish bo‘yicha takliflar o‘rganildi.

📌 O‘rganishdan ko‘zlangan asosiy maqsad — hududdagi korxona va tashkilotlarda mehnat qonunchiligiga rioya etilishini ta’minlash, xodimlarning mehnat huquqlarini himoya qilish va mavjud muammolarni aniqlashdan iborat.