🟢 Aniqlangan muammo yuzasidan deputatlik so‘rovi yuborildi

Xalq deputatlari Sherobod tumani Kengashining 16-Katta hayot–Do‘stlik saylov okrugi deputati Mirzayev Turg‘un Yo‘ldoshyevich tomonidan “Do‘stlik” mahallasidagi 33-sonli davlat maktabgacha ta’lim tashkilotining kirish qismidagi mavjud muammo yuzasidan deputatlik so‘rovi yuborildi.
Avvalgi o‘rganish davomida bog‘cha kirish qismidagi yo‘l yomg‘irli kunlarda loy va balchiq bo‘lib qolishi, bu esa tarbiyalanuvchilar hamda ularning ota-onalariga noqulaylik tug‘dirayotgani aniqlangan edi.

Mazkur muammoni bartaraf etish maqsadida deputat tomonidan Obodonlashtirish boshqarmasi tuman bo‘limining birinchi o‘rinbosari O. Yodgorov nomiga deputatlik so‘rovi yuborildi.

So‘rovda 33-sonli DMTT kirish qismidagi holatni joyiga chiqqan holda o‘rganish, muammoni bartaraf etish yuzasidan tegishli amaliy choralar ko‘rish hamda amalga oshirilgan ishlar haqida belgilangan tartibda yozma ma’lumot taqdim etish so‘ralgan.

📌 Muammo aniqlandi — deputatlik so‘rovi yuborildi — amaliy yechim kutilmoqda.

Xalq deputatlari Sherobod tumani Kengashi kotibiyati matbuot xizmati.