Sessiyada tuman hokimligida ijro intizomini mustahkamlash, topshiriqlarning o‘z vaqtida va sifatli bajarilishini ta’minlash, ijro holatini muntazam nazorat qilib borish bo‘yicha amalga oshirilayotgan ishlar haqida tuman hokimligi ijro apparati rahbari U. Raxmatovning hisoboti tinglandi doimiy komissiya qarori qildi.

Shuningdek, dushanba va juma kunlari ijro intizomi bo‘yicha qabullarni muntazam o‘tkazish yo‘lga qo‘yilgani qayd etildi. Mazkur qabullar orqali ijro intizomi bilan bog‘liq masalalarni tezkor ko‘rib chiqish va aniqlangan muammolarni bartaraf etishga alohida e’tibor qaratilmoqda.

Kun tartibidagi navbatdagi masala yuzasidan tuman hokimining birinchi o‘rinbosari I. Mustaramovning hisoboti ham doimiy komissiyada tinglandi. Unga ko'ra jismoniy va yuridik shaxslarning murojaatlarini o‘rganish, sayyor qabullarni tashkil etish, murojaatlarda ko‘tarilgan masalalarni o‘z vaqtida hal etish hamda ijro intizomini mustahkamlash borasida amalga oshirilgan ishlar haqida ma’lumot berildi.

Doimiy komissiya tomonidan ijro intizomini yanada kuchaytirish, topshiriqlar ijrosini nazorat qilish, fuqarolarni o‘z vaqtida munosabat bildirish hamda ijro intizomi bo‘yicha qabullar samaradorligini oshirish yuzasidan tegishli taklif va tavsiyalar bildirildi.

Sessiya davomida mazkur masalalar atroflicha muhokama qilinib, tegishli qarorlar qabul qilindi.