Xalq deputatlari Sardoba tumani Kengashi kotibiyati bosh mutaxassisi L.Toshquvvatov hamda tuman deputati B.Bekmurodovlar tomonidan tuman hududida sanitariya va obodonlashtirish ishlarini amalga oshiruvchi “Toza hudud” tashkilotining faoliyati bilan yaqindan tanishildi.
O‘rganish jarayonida tashkilot tomonidan aholi yashash maskanlari, ko‘chalar va jamoat joylarida tozalikni ta’minlash, maishiy chiqindilarni o‘z vaqtida olib chiqish hamda hududlarni obodonlashtirish borasida amalga oshirilayotgan ishlar ko‘zdan kechirildi.
Shuningdek, xizmat ko‘rsatish sifati, maxsus texnikalarning holati va aholiga yaratilayotgan qulayliklar tahlil qilinib, soha samaradorligini yana-da oshirish yuzasidan tegishli taklif va tavsiyalar bildirildi.
Mazkur o‘rganishlar aholi uchun toza va ozoda muhit yaratish, sanitariya holatini yaxshilash hamda hududlarning obod qiyofasini ta’minlashga xizmat qiladi.