HAYOT MAHALLASIDA TEMIR YO‘L INFRASTRUKTURASI VA OBODONLASHTIRISH ISHLARI O‘RGANILDI


Xalq deputatlari Navoiy shahar Kengashi deputati Ergashev Dilmurod Bekmurodovich tomonidan 1-Hayot saylov okrugi hududidagi Hayot mahallasida temir yo‘l infratuzilmasiga tutash hududlarning mavjud holati hamda obodonlashtirish ishlari o‘rganildi.

🔎 O‘rganish davomida temir yo‘l infratuzilmasiga tutash hududlarning sanitariya va obodonlashtirish holati, mavjud obyektlarning tashqi ko‘rinishi, hududdagi tozalik va tartib masalalariga alohida e’tibor qaratildi.

🌿 Shuningdek, hududni yanada obodlashtirish, mavjud kamchiliklarni bartaraf etish, temir yo‘l infratuzilmasiga tutash hududlarning shahar qiyofasiga mos va zamonaviy ko‘rinishini ta’minlash bo‘yicha masalalar muhokama qilindi.

⚖️ Mazkur o‘rganish O‘zbekiston Respublikasining 1999-yil 15-apreldagi 766-I-son “Temir yo‘l transporti to‘g‘risida”gi Qonuni hamda 1993-yil 2-sentabrdagi 913-XII-son “Mahalliy davlat hokimiyati to‘g‘risida”gi Qonunida belgilangan tegishli huquqiy normalardan kelib chiqib amalga oshirildi.

🤝 O‘rganish jarayonida mas’ullar bilan fikr almashilib, hududdagi mavjud muammolarni bartaraf etish, obodonlashtirish ishlarini izchil davom ettirish hamda aniqlangan kamchiliklarni bartaraf etish yuzasidan tegishli takliflar bildirildi.

📌 Temir yo‘l infratuzilmasining tartibli va obod holatda saqlanishi shahar qiyofasini yaxshilash, aholi va yo‘lovchilar uchun qulay muhit yaratishda muhim ahamiyat kasb etadi.