BUNYODKOR MAHALLASIDA FUQAROLAR MUROJAATLARI O‘RGANILDI

✅ Xalq deputatlari Navoiy shahar Kengashi deputati Navro‘zov Erkin Ergashevich, Kengash kotibiyat mudiri Jo‘rabek Hafizov tomonidan KQ-35-V-sonli qaror ijrosi yuzasidan 5-Bunyodkor saylov okrugi hududidagi Bunyodkor mahallasida “Mahalla yettiligi” bilan uchrashuv o‘tkazildi.

👥 Uchrashuv davomida mahalladagi mavjud ijtimoiy masalalar, aholi bilan ishlash samaradorligi hamda fuqarolarni qiynayotgan muammolar atroflicha muhokama qilindi.

🗣 Shuningdek, fuqarolarning murojaatlari bevosita joyida tinglanib, ularning taklif va mulohazalari o‘rganildi. Murojaatlarda ko‘tarilgan masalalarni tegishli tashkilotlar bilan hamkorlikda hal etish, muammolarni manzilli o‘rganish va amaliy yechimlar ishlab chiqish yuzasidan fikr almashildi.

⚖️ Mazkur uchrashuv va o‘rganish ishlari O‘zbekiston Respublikasining 1993-yil 2-sentabrdagi 913-XII-son “Mahalliy davlat hokimiyati to‘g‘risida”gi Qonunida belgilangan xalq deputatlari Kengashlarining vakolatlari hamda fuqarolarning qonuniy manfaatlarini ta’minlash tamoyillaridan kelib chiqib tashkil etildi.

Uchrashuv yakunida bildirilgan murojaat va takliflarni tegishli tashkilotlar bilan hamkorlikda o‘rganish, aniqlangan muammolarni bosqichma-bosqich bartaraf etish hamda ijrosini nazoratga olish bo‘yicha kelishib olindi.

🏘 Fuqarolar murojaatlarini joyida eshitish, mavjud muammolarni aniqlash va ularning amaliy yechimini ta’minlash — deputatlik faoliyatining muhim yo‘nalishlaridan biridir.