BUNYODKOR MAHALLASIDA YO‘L TA’MIRI SIFATI NAZORAT QILINDI

Xalq deputatlari Navoiy shahar Kengashi deputati Navro‘zov Erkin Ergashevich, Kengash kotibiyat mudiri Jo‘rabek Hafizov hamda Kengashning Agrar, suv xo‘jaligi va ekologiya masalalari bo‘yicha doimiy komissiyasi a’zolari ishtirokida 5-Bunyodkor saylov okrugi hududidagi ichki ko‘chalarda olib borilayotgan ta’mirlash ishlari joyiga chiqib o‘rganildi.

🔎 O‘rganish davomida yo‘l qoplamalarining holati, ta’mirlash ishlarining bajarilish sifati, ishlarning belgilangan talablar asosida olib borilayotgani hamda hudud aholisi uchun yaratilayotgan sharoitlar ko‘rib chiqildi.

👥 Mahalla vakillari va fuqarolar bilan muloqot davomida ichki ko‘chalarning holati yuzasidan bildirilgan fikr va takliflar tinglandi. Aholini qiynayotgan masalalarni bosqichma-bosqich bartaraf etish bo‘yicha tegishli takliflar bildirildi.

✅ O‘rganish yakunida ichki ko‘chalarda olib borilayotgan ta’mirlash ishlarining sifatiga e’tibor qaratish, mavjud kamchiliklarni o‘z vaqtida bartaraf etish va ishlarni belgilangan talablar asosida yakunlash yuzasidan tegishli tavsiyalar berildi.

🏡 Sifatli yo‘l — aholi uchun qulay va xavfsiz harakatlanishning muhim omilidir.