Aholi xonadonlaridagi holat o‘rganildi.

Xalq deputatlari tuman Kengashining mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya raisi F. Temirov Gumbaz mahallasi aholi xonadonlarini o‘rgandi.

O‘rganish davomida fuqarolarning daromadlarini oshirish, bandligini ta’minlash, oilaviy tadbirkorlikni rivojlantirish hamda mavjud imkoniyatlardan samarali foydalanish masalalariga alohida e’tibor qaratildi.

Xonadonlarda yashovchi fuqarolar bilan suhbatlar o‘tkazilib, ularning kundalik hayotida uchrayotgan, turli sabablarga ko‘ra hal etilishi zarur bo‘lgan muammo va murojaatlari tinglandi.
Aholi bilan muloqot davomida:
🔹 ish bilan ta’minlash va doimiy daromad manbalarini yaratish;
🔹 tomorqa va xonadon imkoniyatlaridan samarali foydalanish;
🔹 ehtiyojmand oilalarni qo‘llab-quvvatlash;
🔹 fuqarolarni qiynayotgan ijtimoiy va maishiy muammolarni aniqlash masalalari muhokama qilindi.