Navbatdagi sessiya kun tartibiga kiritilgan tuman gaz ta’minoti rahbarining hisoboti oldidan hududlarda gaz ta’minoti bilan bog‘liq holatlarni o‘rganish hamda aholi murojaatlarini tinglash ishlari davom ettirilmoqda.

📍 Shu doirada xalq deputatlari Pastdarg‘om tumani Kengashi deputati D. Mardonova tomonidan Turon mahallasi hududida o‘rganish ishlari olib borildi.

🗣 O‘rganish davomida mahalla fuqarolari bilan suhbatlashilib, ularning mavjud muammolari va takliflari tinglandi.

Fuqarolar tomonidan, xususan, suyultirilgan gaz ballonlarini o‘z vaqtida yetkazib berish va tarqatish masalasi yuzasidan murojaatlar bildirildi.

📌 Deputat tomonidan aholi murojaatlari qayd etilib, masalani tegishli tashkilotlar bilan hamkorlikda o‘rganish hamda amaliy yechim topish yuzasidan tegishli choralar belgilandi.