Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha Tavsiyalarning 1-bandi — mahalladagi yoshlar yetakchisi tomonidan amalga oshirilayotgan tadbirlar samaradorligi hamda yoshlar bandligini ta’minlash masalalari ijrosi doirasida hududlarda o‘rganishlar davom etmoqda.

🔎 Shu doirada tuman Kengashi deputati M. Pardayev, Kengash kotibiyati mudiri F. Xolmuratova hamda kotibiyat mutaxassisi E. Turayev tomonidan Navro‘z MFYda yashovchi fuqaro Bobur Abdualimovning tadbirkorlik faoliyati o‘rganildi.

🌱 Yosh tadbirkor tomonidan yoshlarga ajratilgan yerdan unumli foydalanilib, 30 sotix maydonda malina yetishtirish yo‘lga qo‘yilgan.

O‘rganish davomida mazkur faoliyatning borishi, mavjud muammolar va kelgusidagi rejalar bilan yaqindan tanishildi.

📈 Suhbat davomida yer maydonidan samarali foydalanish, hosildorlikni oshirish, faoliyatni kengaytirish hamda kelgusida qo‘shimcha daromad manbalarini yaratish bo‘yicha rejalar muhokama qilindi.

🤝 Mazkur tashabbus yoshlarni yer va mavjud imkoniyatlardan unumli foydalanishga, tadbirkorlik bilan shug‘ullanishga hamda o‘z daromad manbasini yaratishga undovchi amaliy namunalardan biridir.