#Biriktirilgan_tashkilot
#doimiy_komissiya_faoliyati
#deputat_faoliyati
#kotibiyat_xodimi_faoliyati

Bandixon tumanida deputatlik nazorati: "Bandixontumangaz" gaz ta’minoti bo‘limining II chorak faoliyati tahlil qilindi

Bandixon tumanida tabiiy va suyiltirilgan gaz ta’minoti sohasida shaffoflikni ta’minlash, texnik xavfsizlik va korrupsiyaga qarshi kurashish borasida deputatlik nazorati tadbirlari amalga oshirilmoqda.

Xalq deputatlari tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zosi, 2-Bektepa saylov okrugi deputati B.X.Yo‘ldoshev "Bandixontumangaz" gaz ta’minoti bo‘limida bo‘lib, korxonaning 2026-yil II choragida amalga oshirgan ishlari va erishgan ko‘rsatkichlarini muhokama qildi.

Uchrashuvda ta’kidlanganidek, bugungi kunda tumanda jami 2 722 ta tabiiy gaz iste’molchisi mavjud bo‘lib, shundan 2 688 tasini aholi xonadonlari va 34 tasini ulgurji iste’molchilar tashkil etadi. Hududdagi barcha iste’molchilar 2 bosqichli gaz ta’minoti tizimiga to‘liq o‘tkazilgan.

Deputat tomonidan gaz ta’minoti tarmoqlarida xavfsizlikni ta’minlash, iste’molchilar murojaatlarini o‘z vaqtida ko‘rib chiqish hamda korrupsion holatlarning oldini olish bo‘yicha soha mas’ullariga tegishli vazifalar belgilab berildi.