Shirin shahridagi Xalq qabulxonasida shahar Kengashi deputati Dilfuza Kambarovaning navbatdagi shaxsiy qabuli bo‘lib o‘tdi.

Qabul davomida fuqarolar tomonidan ish bilan ta’minlash, uy-joy masalasi, maktab formasi bilan ta’minlash, moddiy ko‘mak ko‘rsatish hamda boshqa ijtimoiy masalalar yuzasidan murojaatlar bildirildi.

Har bir murojaat deputat tomonidan atroflicha o‘rganilib, ularni qonuniy va amaliy jihatdan hal etish yuzasidan mas’ul tashkilot va idoralar rahbarlariga tegishli topshiriqlar berildi.
Ijrosi muayyan muddatni talab etadigan murojaatlar nazoratga olinib, ularning belgilangan tartibda ko‘rib chiqilishi ta’minlanadi.

Fuqarolar bilan ochiq va samimiy muloqotni yo‘lga qo‘yish, muammolarni o‘rganish hamda ularning amaliy yechimini topishga qaratilgan bunday qabullar izchil davom ettiriladi.