Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq Kengash raisi O.Babayev tomonidan tumanning “Besh-tut” mahallasiga biriktirilgan xotin-qizlar faoli N.Umurzakovaning aholi, xususan, xotin-qizlar bilan ishlash yo‘nalishida amalga oshirayotgan ishlari o‘rganildi.

🔻O‘rganish davomida xotin-qizlarning ijtimoiy-iqtisodiy holatini yaxshilash, ularning bandligini ta’minlash, oilaviy va ijtimoiy muammolarini aniqlash hamda mavjud muammolarni tegishli tashkilotlar bilan hamkorlikda hal etish borasida olib borilayotgan ishlarga alohida e’tibor qaratildi.

🔻Shuningdek, ehtiyojmand va ijtimoiy himoyaga muhtoj xotin-qizlarni aniqlash, ularga amaliy ko‘mak ko‘rsatish, zarur hollarda ijtimoiy, moddiy va huquqiy yordam olishini ta’minlash bo‘yicha amalga oshirilayotgan ishlar tahlil qilindi. Bunda “Ayollar daftari”ga kiritilgan xotin-qizlar bilan individual ishlash, ularning muammolarini o‘rganish va belgilangan chora-tadbirlarning ijrosini ta’minlash masalalari ham ko‘rib chiqildi.

🔻Deputat tomonidan xotin-qizlar faoliga aniqlangan muammolarni manzilli hal etish, har bir ehtiyojmand oila bilan individual ishlash, “Ayollar daftari”dagi fuqarolarning murojaatlarini nazoratga olish hamda amalga oshirilgan ishlar natijadorligini muntazam tahlil qilib borish bo‘yicha tavsiyalar berildi.