2-Yangi Oʻzbekiston saylov okrugi deputati fuqarolar bilan uchrashdi

Xalq deputatlari Termiz tuman Kengashi 2-Yangi Oʻzbekiston saylov okrugi deputati Oʻ. Omonov o‘zi saylangan Yangiobod MFY hududida istiqomat qiluvchi fuqarolar bilan navbatdagi uchrashuvni o‘tkazdi.

Uchrashuv davomida fuqarolar tomonidan bildirilgan murojaat, taklif va muammolar tinglanib, ularning mazmun-mohiyati atroflicha o‘rganildi. Ko‘tarilgan masalalarni tegishli mutasaddi tashkilotlar bilan hamkorlikda hal etish yuzasidan zarur choralar belgilandi.

Shuningdek, uchrashuv yakunida deputat tomonidan 2026-yilning birinchi yarim yilligida deputatlik faoliyati doirasida amalga oshirilgan ishlar, ko‘rib chiqilgan murojaatlar hamda erishilgan natijalar yuzasidan fuqarolarga batafsil axborot taqdim etildi.

Bunday uchrashuvlar fuqarolar bilan ochiq muloqotni mustahkamlash, ularning murojaat va takliflarini o‘z vaqtida o‘rganish hamda hududdagi dolzarb masalalarni samarali hal etishga xizmat qiladi.