Xalıq deputatları Bozataw rayonlıq Keńesi 3-sanlı «Mádeniyat» saylaw okruginen saylanǵan deputatı G.Yusupova tárepinen 1-sanlı ulıwma orta bilim beriw mektebinde hayal-qızlar menen ushırasıwı bolıp ótti.

Ushırasıwda búgingi kúnde hayal-qızlardı qollap-quwatlaw, olardıń huqıq hám nızamlı máplerin qorǵaw, sapalı bilim alıwı, zamanagóy kásiplerdi iyelew hám bántligin támiyinlew sıyaqlı máselelerge ayrıqsha itibar qaratıldı.

Sonday-aq, shańaraqtaǵı túrli kelispewshiliklerdiń aldın alıw, jas hayal-qızlardıń óz múmkinshiliklerin tolıq júzege shıǵarıwı hám jámiyette belsendi bolıwı boyınsha pikirler almasıldı.

Ushırasıw barısında hayal-qızlardıń usınıs-pikirleri hám múrájatları tıńlanıp, kóterilgen máselelerdiń sheshimin tabıw boyınsha tiyisli járdemlerdi kórsetiw hám qadaǵalawǵa alıw belgilendi.