Qonun o‘rganildi 

Xalq deputatlari Qo‘shko‘pir tumani Kengashi deputati Nilufar Ibragimova
tomonidan Dovud mahallasida aholi xonadonlariga o‘rnatilgan energiya
tejamkorligi tizimlaridan foydalanish holati o‘rganildi. 

O‘rganish davomida Sharq gavhari ko‘chasida istiqomat qiluvchi Boltayev
Akbar xonadoniga o‘rnatilgan quyosh panellarining ishlash samaradorligi,
ulardan foydalanish holati hamda elektr energiyasini tejashga qo‘shayotgan
hissasi ko‘zdan kechirildi. 

Mazkur tashabbus aholining energiya resurslaridan oqilona foydalanish,
elektr energiyasini tejash va qayta tiklanuvchi energiya manbalaridan keng
foydalanish borasida olib borilayotgan davlat siyosatining amaliy ifodasi
sifatida e’tirof etildi. 

Shuningdek, o‘rganish jarayonida O‘zbekiston Respublikasining 2024-yil
7-avgustdagi O‘RQ-940-son “Energiyani tejash, undan oqilona foydalanish va
energiya samaradorligini oshirish to‘g‘risida”gi Qonunida belgilangan
vazifalarning ijrosi, xususan, energiya samaradorligini oshirish va aholining
energiya tejamkor texnologiyalardan foydalanishini rag‘batlantirish
masalalariga alohida e’tibor qaratildi. 

Deputat tomonidan ushbu yo‘nalishdagi ishlarni izchil davom ettirish,
aholiga energiya tejamkor texnologiyalarning afzalliklarini keng targ‘ib qilish
hamda qayta tiklanuvchi energiya manbalaridan samarali foydalanishni yanada
kengaytirish muhimligi ta’kidlandi.