Olmaliq shahar Abdulla Qahhor mahallasi hududida joylashgan 1-sonli umumta’lim maktabida muhim ta’mirlash va obodonlashtirish ishlari olib borilmoqda.
Xabaringiz bor, ushbu ta’lim maskani fuqarolarimizning faolligi va hamjihatligi evaziga "Tashabbusli budjet" (Open Budget) loyihasida g‘olib bo‘lgan edi.
🔹 Loyiha doirasida qanday ishlar bajarilmoqda?
Maktab atrofini xavfsiz va zamonaviy devor bilan o‘rash;
Maktabning ichki hojatxonalarini to‘liq ta’mirlash va sanitariya-gigiyena talablariga moslashtirish.

🔍Bugun hudud deputati Alisher Samadov maktab direktori bilan birgalikda qurilish-ta’mirlash jarayonlarini yaqindan o‘rgandi va bajarilayotgan ishlarni birma-bir ko‘zdan kechirdi.
"Mahallamiz va maktabimiz obodligi — bu faqat budjet mablag‘larini sarflash emas, balki farzandlarimiz xavfsizligi va qulay ta’lim olishi uchun mas’uliyatdir. Har bir so‘m xalq puli o‘z o‘rnida va sifatli ishlatilishi shart!" — Alisher Samadov.

💡Jarayon davomida aniqlangan ba'zi kamchiliklar yuzasidan mas’ullarga aniq tavsiya va ko‘rsatmalar berildi. Qurilish ishlarini yuqori sifatda va belgilangan muddatlarda to‘liq yakunlash deputat nazoratiga olindi.