Xalq deputatlari Shirin shahar Kengashi deputati M. Salimova tomonidan 2-sonli umumiy o‘rta ta’lim maktabining 2026–2027-o‘quv yiliga tayyorgarlik holati o‘rganildi.

O‘rganish davomida maktab binosi va sinfxonalarining yangi o‘quv yiliga tayyorgarligi, sanitariya-gigiyena holati, obodonlashtirish ishlari, o‘quv jihozlari va darsliklar bilan ta’minlanganlik darajasi hamda o‘qituvchilar uchun yaratilgan shart-sharoitlar ko‘rib chiqildi.

Shuningdek, o‘rganish davomida ayrim sinfxonalarda ta’mirlash ishlarini yakunlash, o‘quv jihozlari va ayrim zarur texnik vositalarni yangilash masalalari mavjudligi aniqlandi.

Aniqlangan kamchiliklarni bartaraf etish, maktabni yangi o‘quv yiliga to‘liq va sifatli tayyorlash hamda o‘quvchilar uchun qulay va xavfsiz ta’lim sharoitlarini yaratish yuzasidan mas’ullarga tegishli tavsiya va ko‘rsatmalar berildi.