Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari, taklif va muammolari tinglanib, ularni hal etish bo‘yicha zarur choralar belgilandi.

Xususan, Qog‘ozgarlik ko‘chasi 4/4-uyda yashovchi fuqaro Y.Ashurova hududdagi eski uylarni renovatsiya qilish masalasida murojaat qildi.

Murojaat yuzasidan mazkur hududdagi uy-joylarning holatini o‘rganish, renovatsiya dasturiga kiritish imkoniyatlarini ko‘rib chiqish hamda masalani tegishli mutasaddi tashkilotlar bilan hamkorlikda hal etish yuzasidan amaliy choralar ko‘rish belgilandi.

Mazkur masala deputat N.Shomatov nazoratiga olinib, fuqaroning murojaatini o‘rganish va ijobiy yechim topish bo‘yicha tegishli tashkilotlar bilan ish olib borishga kelishib olindi.

Xalq deputatlari Qo‘qon shahar Kengashi