#_deputat_faoliyati
#_24_ta_masala
#_162_ta_qonun
Biriktirilgan tashkilot faoliyati hamda qonun ijrosi - deputat nazoratida

Xalq deputatlari Sariosiyo tumani Kengashining “15-Telpakchinor” saylov okrugidan saylangan deputati, tuman Kengashi kotibiyati bosh mutaxassisi N.Xamdamova hamda tuman Kengashi huzuridagi “Yoshlar maslahat guruhi” rahbari D.Sattorov tomonidan Yoshlar ishlari tuman bo‘limi faoliyati o‘rganildi.

O‘rganish davomida tumanda yoshlarga yaratilayotgan imkoniyatlar, ularning huquq va qonuniy manfaatlarini ta’minlash, bandligini oshirish, kasb-hunar va tadbirkorlikka jalb etish, bo‘sh vaqtini mazmunli tashkil qilish, sport va sog‘lom turmush tarziga keng jalb etish borasida amalga oshirilayotgan ishlar tahlil qilindi.

Shuningdek, O‘zbekiston Respublikasining 2016-yil 14-sentabrdagi O‘RQ-406-son “Yoshlarga oid davlat siyosati to‘g‘risida”gi Qonuni ijrosi deputatlik nazorati tartibida o‘rganildi.

Mazkur Qonunda yoshlarning huquqlari, erkinliklari va qonuniy manfaatlarini ta’minlash, ularning ta’lim olishi, ishga joylashishi va bandligi uchun shart-sharoitlar yaratish, iqtidorli yoshlarni qo‘llab-quvvatlash, yoshlar tadbirkorligini rivojlantirish, shuningdek, yoshlarning huquqiy ongi va huquqiy madaniyatini yuksaltirish davlat yoshlar siyosatining muhim yo‘nalishlari sifatida belgilangan.

O‘rganish jarayonida yoshlar bilan ishlash samaradorligi, amalga oshirilayotgan loyiha va tashabbuslarning natijadorligi, yoshlarni qo‘llab-quvvatlashga qaratilgan chora-tadbirlarning ijrosi hamda mavjud muammolarni bartaraf etish masalalariga alohida e’tibor qaratildi.

Xalq deputatlari Sariosiyo tumani Kengashi tomonidan yoshlarga oid davlat siyosatining samarali ijrosini ta’minlash, yoshlarning huquq va qonuniy manfaatlarini himoya qilish hamda ular uchun munosib shart-sharoitlar yaratilishi ustidan deputatlik nazorati izchil davom ettiriladi.