❗️Xalq deputatlari Yashnobod tuman Kengashi deputati Ra'no Shodiyeva nomiga kelib tushgan murojaat yuzasidan Xalq deputatlari Yashnobod tuman Kengashi kotibiyati bosh mutaxassisi Dilshodbek Ibragimov Jarboshi mahallasida joylashgan 67-oilaviy poliklinika filialida bo‘ldi.

📌 O‘rganish davomida poliklinika mas’ullari muassasada mavjud ayrim moddiy-texnik va infratuzilmaviy kamchiliklar sababli ba'zi hollarda fuqarolarga sifatli va o‘z vaqtida tibbiy xizmat ko‘rsatishda qiyinchiliklar yuzaga kelayotganini ma’lum qildi. Shu munosabat bilan mavjud muammolarni bartaraf etishda amaliy yordam ko‘rsatish yuzasidan deputatga murojaat qilindi.

🤝 Bildirilgan murojaat va takliflar belgilangan tartibda rasmiylashtirilib, masalani ijobiy hal etish yuzasidan tegishli mutasaddi tashkilotlar bilan hamkorlikda zarur choralar ko‘rish deputatlik nazoratiga olindi.