Xalq deputatlari Pastdarg‘om tumani Kengashi ijtimoiy soha, yoshlar siyosati, madaniyat va sport masalalari bo'yicha doimiy komissiyasi yig‘ilishida “Davlat tili to‘g‘risida”gi Qonun ijrosini ta’minlash masalasi atroflicha ko‘rib chiqildi.
Yig‘ilishda tuman tashkilotlari va muassasalarida davlat tilida ish yuritish holati, hujjatlarning belgilangan talablarga muvofiqligi hamda davlat tilidan amaliy foydalanish darajasini o‘rganish masalalariga alohida e’tibor qaratildi.
🔹 Mazkur yo‘nalishda mavjud holatni xolisona o‘rganish, aniqlangan kamchiliklarni belgilash va ularni bartaraf etish bo‘yicha takliflar ishlab chiqish maqsadida ishchi guruh shakllantirildi.
🔹 Shuningdek, tuman hokimi maslahatchisi O. Norimova ham mazkur ishchi guruh tarkibiga kiritildi.
📌 Ishchi guruh tomonidan tuman tashkilotlarida davlat tilida ish yuritish amaliyoti o‘rganilib, natijalari tegishli tartibda Doimiy komissiya muhokamasiga kiritiladi.