#_deputat_faoliyati
#_24_ta_masala
Obod mahalla — farovon hayot garovi!

Xalq deputatlari Sariosiyo tumani Kengashi raisi M.Ashurov tomonidan tumandagi mahallalarda olib borilayotgan obodonlashtirish, infratuzilmani rivojlantirish hamda aholi uchun qulay shart-sharoitlar yaratish borasidagi ishlar holati o‘rganildi.

O‘rganishlar davomida mahallalarning sanitariya-obodonlashtirish holati, ichki yo‘llar, piyodalar yo‘laklari, ko‘cha va hududlarni yoritish tizimi, elektr ta’minoti, ichimlik suvi hamda boshqa ijtimoiy infratuzilma obyektlarining holatiga alohida e’tibor qaratildi.

Shuningdek, hududlarda obodonlashtirish ishlarining tizimli tashkil etilishi, mavjud muammolarni o‘z vaqtida aniqlash va ularni bartaraf etish, aholining murojaatlarini manzilli o‘rganish masalalari ko‘rib chiqildi.

O‘rganish jarayonida mahalla hududlarini yanada ko‘kalamzorlashtirish, ko‘chalarni tartibga keltirish, obodonlashtirish ishlarini jadallashtirish hamda mavjud infratuzilma obyektlaridan samarali foydalanish bo‘yicha mas’ullarga tegishli tavsiya va topshiriqlar berildi.

Ayniqsa, aholining kundalik turmushiga bevosita ta’sir ko‘rsatuvchi ichki yo‘llarning holatini yaxshilash, piyodalar harakati xavfsizligini ta’minlash, ko‘cha yoritish tizimini yaxshilash va hududlarda sanitariya tozaligini ta’minlash masalalari deputatlik nazoratining muhim yo‘nalishlaridan biri ekani ta’kidlandi.

Xalq deputatlari tuman Kengashi tomonidan mahallalarda aniqlangan muammolarni tegishli tashkilotlar bilan hamkorlikda bartaraf etish, aholining qonuniy talab va takliflarini qo‘llab-quvvatlash hamda hududlarda munosib yashash sharoitlarini yaratish borasidagi ishlar izchil davom ettiriladi.