Xalq deputatlari Qo‘qon shahar Kengashi deputati F.Qaxxarova tomonidan “Kalvak” mahalla fuqarolar yig‘inida ijtimoiy xodim faoliyati hamda aholiga ko‘rsatilayotgan ijtimoiy xizmatlar yuzasidan o‘rganish ishlari olib borildi.

O‘rganish davomida ijtimoiy himoyaga muhtoj fuqarolarni qo‘llab-quvvatlash, ularning murojaatlarini o‘rganish va mavjud muammolarni hal etish borasida amalga oshirilayotgan ishlar ko‘rib chiqildi.

Jumladan:
Umarova Zumratxon — Amir Umarxon ko‘chasi 121G/8-uyda istiqomat qiluvchi, II guruh nogironi bo‘lgan fuqaroning hamda farzandi A.Yusupovning bolalikdan II guruh nogironi ekani inobatga olinib, oilani ijtimoiy reyestrga kiritish masalasi ijobiy hal etildi.
Amir Umarxon ko‘chasi 149-xonadonda istiqomat qiluvchi Sh.Yahyayevaning farzandi xayriya mablag‘lari hisobidan operatsiya qildirilgani ma’lum bo‘ldi.

4 nafar fuqaroga bepul davolanish uchun tavsiya berilgan:
M.Nazirova — Muqimiy ko‘chasi, 140-uy;
M.Husanjonova — Bahmalbof ko‘chasi, 136-uy;
D.Murodova — Amir Umarxon ko‘chasi, 121/15-uy;
M.Yo‘ldosheva — Amir Umarxon ko‘chasi, 121/18-uy.

Shu bilan birga, mazkur fuqarolarning hech biri ushbu imtiyozdan foydalanmagani ham aniqlandi.

Shuningdek, 4 nafar fuqaroga uy-joylarini ta’mirlash uchun mablag‘ ajratilgani, shundan 2 nafarining xonadoni ta’mirlab berilgani, yana 2 nafar fuqaroning arizasi qaytarilgani ma’lum bo‘ldi.

Xalq deputatlari Qo‘qon shahar Kengashi