Tashrif davomida “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun asosida yer uchastkasiga ijara huquqi hamda ularda qurilgan bino va inshootlarga mulk huquqi e’tirof etilayotgan fuqarolarning xonadonlari o‘rganildi.

Deputat tomonidan fuqarolarning mazkur jarayonlarga munosabati, mavjud savollari va takliflari tinglanib, ularni qiziqtirgan masalalar yuzasidan tushuntirishlar berildi.

Ta’kidlash joizki, fuqarolarning uzoq yillardan buyon amalda foydalanib kelayotgan uy-joylariga bo‘lgan huquqlarini qonuniy tartibda rasmiylashtirish ularning mulkiy huquqlarini ishonchli himoya qilishga xizmat qilmoqda.


E’tirof asosida uy-joyga egalik huquqini qo‘lga kiritayotgan fuqarolar endilikda o‘z mulkiga qonuniy egalik qilish, undan erkin foydalanish va tasarruf etish, shuningdek, uni meros qoldirish kabi huquqlarga ega bo‘lmoqda.

Fuqarolar davlat tomonidan yaratilayotgan bunday imkoniyat va qulayliklardan mamnun ekanliklarini bildirib, aholi huquq va manfaatlarini ta’minlashga qaratilgan islohotlar uchun minnatdorliklarini bildirdilar.