Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat M.Мirabdullayev tomonidan tumfnning "Besh-tut" mahallasida aholi bilan muloqot o‘tkazilib, fuqarolarni qiynayotgan dolzarb muammolar joyiga chiqqan holda o‘rganildi. O‘rganishlar davomida aholi tomonidan yo‘llarni ta’mirlash, ichimlik suvi ta’minotini yaxshilash, chiqindilarni o‘z vaqtida olib chiqish hamda ijtimoiy yordam masalalari yuzasidan bir qator murojaatlar bildirildi.  

🔻Shuningdek, tumanimizda amalga oshirilayotgan "Dolzarb 40 kunlik" tadbirlari doirasida mahallada olib borilayotgan obodonlashtirish va ko‘kalamzorlashtirish ishlarining borishi ham o‘rganildi. Xususan, ko‘cha va xiyobonlarni tozalash, ariq-zovurlarni tartibga keltirish, daraxt va manzarali ko‘chatlar ekish, mavjud yashil hududlarni parvarishlash, aholi yashash maskanlarining sanitariya holatini yaxshilash bo‘yicha amalga oshirilayotgan ishlar ko‘zdan kechirildi.

🔻O‘rganish davomida obodonlashtirish ishlarini yanada kuchaytirish, ko‘kalamzorlashtirish hajmini oshirish, ekilgan ko‘chatlarni muntazam parvarishlash va aholining ushbu jarayonlardagi faol ishtirokini ta’minlash bo‘yicha mas’ullarga tegishli tavsiyalar berildi.