❗️Xalq deputatlari Yashnobod tumani Kengashi deputati Х. Po‘latov hamda O‘zbekiston Ekologik partiyasi Yashnobod tuman partiya tashkiloti raisi D. Mavlyanova tomonidan Beshbola mahallasi hududida nazorat-o‘rganish tadbiri o‘tkazildi.

📌O‘rganish davomida yo‘l bo‘ylari va ichki ko‘chalarning sanitariya-ekologik holati ko‘zdan kechirildi. Jarayonda ayrim hududlarda qurilish va maishiy chiqindilarning tartibsiz to‘plangani, obodonlashtirish talablariga to‘liq rioya etilmayotgani hamda ayrim joylarda piyodalar harakati uchun noqulaylik tug‘dirayotgan holatlar aniqlandi.

🔰Aniqlangan kamchiliklarni bartaraf etish, hududning ekologik holatini yaxshilash, sanitariya tozaligini ta’minlash hamda aholi uchun qulay va xavfsiz muhit yaratish maqsadida mas’ul tashkilotlarga tegishli taklif va tavsiyalar berildi. Ekologik barqarorlikni ta’minlash va mahallalarda obodonlashtirish ishlarini kuchaytirish yuzasidan nazorat tadbirlari izchil davom etmoqda.