Qaror ijrosi o‘rganildi 

Xalq deputatlari Qo‘shko‘pir tumani Kengashi deputati, Kotibiyat bosh mutaxassisi
Azizbek Erkinov tomonidan Qo‘shko‘pir tumani “Paxtakor” mahalla fuqarolar
yig‘inida O‘zbekiston Respublikasi Prezidentining 2026-yil 5-fevraldagi
PQ-49-son qarori ijrosi o‘rganildi. 

O‘rganish jarayonida mazkur qarorda belgilangan vazifalarning amaliy ijrosini ta’minlash,
hudud infratuzilmasini rivojlantirish hamda aholi uchun munosib
shart-sharoitlar yaratish borasida amalga oshirilayotgan ishlar ko‘zdan
kechirildi. 

Jumladan, G‘ozovot kanaliga nasos stansiyasini o‘rnatish hamda uni muqobil energiya manbai bilan
ta’minlash maqsadida quyosh panellarini o‘rnatish, Porloq va Baxt-saodat
ko‘chalarini asfaltlash, Abu Nasr Forobiy ko‘chasiga tungi yoritish
chiroqlarini o‘rnatish, shuningdek, piyodalar yo‘lakchasini qurish
bo‘yicha tegishli ishlar olib borilayotgani qayd etildi. 

Mazkur ishlarning o‘z vaqtida va sifatli amalga oshirilishi hudud infratuzilmasini
yaxshilash, aholining turmush sharoitini yanada yaxshilash hamda mahallada obodonlashtirish
ishlarini jadallashtirishga xizmat qiladi.