Respublikamizda hududlarda obodonlashtirish, sanitariya-tozalash va chiqindilarni boshqarishni yaxshilashga qaratilgan “Dolzarb 40 kun” (yoki 40 kunlik) tozalik va obodonlashtirish tadbirlari bo‘lib o‘tmoqda.

Mirzo Ulug‘bek tumani "Sayram" mahallasida ham “Mahallada obodonlik va mehr-saxovat” oyligi doirasida keng qamrovli hasharlar tashkil etildi.

Ushbu tadbirlarda xalq deputatlari Mirzo Ulug‘bek tumani Kengashi kotibiyati mudiri, “Adolat” SDP a’zosi Shoanvar Shomaxmudov ham bevosita ishtirok etib, tashkil etishda amaliy yordam berib kelmoqda.

Hashar davomida mahalla hududidagi ko‘cha va yo‘laklar, ariq-zovurlar hamda jamoat joylari tozalanib, hududlarni obodonlashtirish va sanitariya holatini yaxshilash bo‘yicha qator ishlar bajarildi.

Obod mahalla — farovon hayot garovi!
Barchani yashab turgan hududimiz tozaligi va obodligiga befarq bo‘lmaslikka chaqiramiz.

Ushbu tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Jamoliddin Kuchkarov ham ishtirok etdi.