Xalq deputatlari Termiz shahar Kengashi kotibiyatining haftalik ish rejasi ijrosi yuzasidan Kengash raisi, 9-“Abdulla Avloniy” saylov okrugi deputati D.Normuradova o‘z saylov okrugi hududida olib borilayotgan qurilish va obodonlashtirish ishlari, shuningdek, aholi uchun muhim bo‘lgan infratuzilma obyektlarining holatini joyiga chiqqan holda ko‘zdan kechirdi.

💬Nazorat tadbirida Kengash kotibiyati mudiri, deputat A.Ashurov hamda kotibiyat bosh mutaxassisi A.Temirov ishtirok etdi.

💬Nazorat davomida hududdagi qurilish obyektlarida olib borilayotgan ishlarning sifati, ichki ko‘chalar va yo‘l infratuzilmasining holati, piyodalar yo‘laklari, tungi yoritish tizimi hamda obodonlashtirish ishlari ko‘zdan kechirildi.

💬Aholi muammosi ham e’tibordan chetda qolmadi. Nazorat jarayonida “Farxod” mahallasining Zilol ko‘chasida suv quvuri yorilgani aniqlandi.

💬Mazkur muammoni bartaraf etish, aholiga noqulaylik tug‘dirayotgan holatga yechim topish maqsadida tegishli tashkilotga deputatlik so‘rovi yuborish belgilandi.

🫥Hududdagi mavjud muammolarni aniqlash, ularning yechimini ta’minlash va aholi manfaatlarini himoya qilish borasidagi deputatlik nazorati izchil davom ettiriladi.